Disney Tsum Tsum最新手機遊戲 – 經典泡泡龍增添更多元玩法

Disney Tsum Tsum最新手機遊戲 – 經典泡泡龍增添更多元玩法

Disney Tsum Tsum最新手機遊戲 – 經典泡泡龍增添更多元玩法

相信大家仲記得早年推出嘅人氣手機遊戲Disney Tsum Tsum,Disney最近再度推出以Tsum Tsum公仔為主角嘅新遊戲Tsum Tsum Land,新遊戲同樣以消除公仔為目標,仲同經典遊戲泡泡龍非常相似,配上以迪士尼樂園作背景主題,遊戲嘅吸引度同可愛度都爆燈,定必再次掀起熱潮!

消除4個串連公仔

版面下方係發射台,一拉一放就可以往上空發射子彈公仔,子彈公仔會以直線前行,直至撞上其他同款公仔或者版頂就會停低,途中撞牆會反彈,並且避開不同款嘅公仔或者透明泡泡,當4個同款公仔連埋一齊就會被消除。

飼養Tsum Tsum,幫寵物升級

遊戲其中一個特色就係到美國小鎮大街買玩具同食物俾公仔,雖然佢地要求多多,但照顧得佢地開開心心,佢地嘅經驗值同級數就會上升!

透過飼養你嘅Tsum Tsum公仔,儲滿3000分就可以啟動光影巡遊,唔好忘記把握時間拎取道具同獎品呀!

睇完遊戲簡介係咪好心動想即時試玩呢?可惜Tsum Tsum Land暫時只係係日本Apple Store上架,香港嘅玩家唯有等多一段時間,玩住Tsum Tsum先啦!

資料來源: Google Play ディズニー ツムツムランド , 香港01

Google+